काठमाडौं । मनकामना केबलकार एक दिनका लागि बन्द हुने भएको छ । नियमित मर्मतसम्भार गर्नु पर्ने भएकाले चैत ७ गते सेवा बन्द गर्न लागिएको मनकामना दर्शन प्रालिले जनाएको छ ।
नियमित मर्मतसम्भारका लागि एक दिन बन्द हुने सेवा चैत ८ गते बिहीबारदेखि नियमित सञ्चालनमा आउने प्रालिका नायब महाप्रबन्धक उज्ज्वल शेरचनले जानकारी दिए ।
गोरखाको सहिद लखन गाउँपालिका ३ स्थित प्रसिद्ध धार्मिकस्थल मनकामना माईको मन्दिरमा पूजा गर्न जाने दर्शनार्थीको सहजताका लागि चितवनको इच्छाकामना ४ कुरिनटारबाट १० मिनेटमा पुग्ने गरी २०५५ मा उक्त केबलकार सेवा स्थापना भएको थियो ।
प्रतिक्रिया दिनुहोस्
