काठमाडौं । हत्या अरोपमा फरार व्यक्ति २१ वर्षपछि पक्राउ परेका छन् । साथीको हत्या गरी फरार भएका सोलुखुम्बुको नेचा सल्यान घर भएका ४१ वर्षीय तिखे भनिने तेजबहादुर राईलाई पक्राउ गरेको हो ।
काठमाडौं उपत्यका अपराध अनुसन्धानको टोलीले राईलाई २१ वर्षपछि पक्राउ गरी सार्वजनिक गरेको हो । उनी भारतबाट पक्राउ परेका हुन् ।
राईले २१ वर्षअघि २०५९ असोज १४ गते काठमाडौं महानगर २९ मा राँगा काट्ने बधशालामा सञ्जय शाहीको हत्या गरेका थिए ।
इनाटोलका स्थानीय बासिन्दा शाहीसँग मदिरा सेवन गरी भनाभन भएपछि राईले हत्या गरेको काठमाडौं उपत्यका अपराध अनुसन्धान कार्यालयले जनाएको छ । भारतमा उनले मासु काट्ने काम गर्दै आएका थिए ।
प्रतिक्रिया दिनुहोस्
