काठमाडौं । बुधबार काठमाडौं उपत्यकासहित कोशी, बागमती र गण्डकी प्रदेशमा पहाडी तथा उच्च पहाडी क्षेत्रमा वर्षा भइरहेको छ ।
यी प्रदेशमा उच्च हिमाली भागमा हिमपातसमेत भइरहेको छ । यस्तै, पश्चिम तथा सुदूरपश्चिमका क्षेत्रमा बादल लागिरहेको मौसमविदले जनाएको छ ।
देशमा भूमध्य सागरबाट आएको जलवाष्पयुक्त वायु र स्थानीय बादल बन्ने प्रणालीबाट हाल देशका विभिन्न ठाउँमा वर्षा र बदली भइरहेको छ ।
अहिले मनसुन पूर्वको समयमा यसरी वर्षा हुनु सामान्य भएको मौसम पूर्वानुमान महाशाखाले जनाएको छ । वर्षा र बादल लाग्ने क्रम झण्डै तीन दिनपछि हटेर जाने छ ।
मौसम विभाग, पूर्वानुमान शाखाले बिहीबार र शुक्रबार पनि कोशी, मधेश र बागमती प्रदेशमा पनि बदली र वर्षाको सम्भावना रहेको जनाएको छ ।
प्रतिक्रिया दिनुहोस्
