काठमाडौं । प्रहरीले त्रिभुवन अन्तर्राष्ट्रिय विमानस्थलबाट अवैध लागू औषध १५ किलो चरेस बरामद गरेको छ । विदेश लैजाँदै गरेको चरेस बरामद गरी आज सार्वजनिक गरिएको हो ।
विमानस्थल भन्सार कार्यालयको एक्स- मेसिनबाट प्रहरीले कार्गो चेक जाँच गर्ने क्रममा कतार एयरबाट दोहा हुँदै लण्डन लैजान लागिएको एआरए एमइएक्स कुरियरको १८ वटा फोटो फ्रेमभित्र लुकाई–छिपाई ल्याइएको अवस्थामा उक्त परिमाणको पदार्थ मंगलबार फेला पारी बरामद गरिएको केन्द्रीय प्रहरी प्रवक्ता भीमप्रसाद ढकालले जानकारी दिए ।
उनका अनुसार बरामद गरिएको उक्त पदार्थको थप आवश्यक अनुसन्धानका लागि नेपाल प्रहरीको लागू औषध नियन्त्रण ब्यूरो, कोटेश्वर पठाइएको छ ।
प्रतिक्रिया दिनुहोस्
