मधुमेह भएका व्यक्तिलाई सजिलो छैन, यो समयमा खानपानमा निकै नै ध्यान दिनुपर्छ । के खाने र के नखाने भन्ने पूर्ण सूची तयार गर्नुपर्छ ।
आहारविद्का अनुसार हरियो सागसब्जी मधुमेहका राेगीले खानामा नियमित समावेश गर्नुपर्छ । सागपात नियमित खाँदा तपाईको शरीरलाई भिटामिन, मिनरल्स, फाइबर र फाइटोन्युट्रिएन्ट्स प्राप्त हुन्छ । यसमा पाइने एन्टी अक्सिडेन्ट र एन्टी इन्फ्लेमेटरी गुणले तपाईलाई मधुमेह रोगबाट जाेगाउन मद्दत गर्छ । जसले चिनीलाई सन्तुलनमा राख्छ र इन्सुलिनको स्तर पनि बढाउँछ।
हरियाे सागसब्जीले हाम्रो पाचन प्रणालीलाई पनि सुधार गर्छ । यसमा प्रशस्त मात्रामा फाइबर, एन्थोसायनिन्स र पोलिफेनोल हुन्छ। यदि तपाईलाई पनि कब्जियत, ग्यास, एसिडिटी वा पेटसँग सम्बन्धित कुनै समस्या छ भने आजैबाट हरियाे सागसब्जी खान सुरु गर्नुहोस् ।
अहिलेको समयमा तौल बढ्नु एउटा ठूलो समस्या बनेको छ । यसबाट बच्न हामी स्वस्थ आहारको छनौट गर्छौं, यस्तो अवस्थामा हरियाे सागसब्जी तपाईको लागि उत्कृष्ट विकल्प साबित हुन सक्छ । यसमा धेरै कम क्यालोरी हुन्छ र यसले तपाईको शरीरको तौल घटाउन मद्दत गर्छ । पेट र कम्मरमा बोसो बढ्दैन।
बदलिँदो मौसममा संक्रमणको जोखिम प्रायः बढ्छ । जसका कारण रुघाखोकी, खोकी र अन्य धेरै रोगको जोखिम बढ्छ । यस्तो अवस्थामा तपाईंले आफ्नो नियमित आहारमा हरियाे सागसब्जी समावेश गर्नुपर्छ ताकि रोग प्रतिरोधात्मक क्षमता बढ्छ। एजेन्सीबाट
