काठमाडौं । गायक राजेशपायल राई पक्राउ परेका छन्। राईलाई मदन भण्डारी कलेज नजिकैबाट प्रहरीले पक्राउ गरेको हो।
पक्राउ पर्नेमा राईसहित तीन जना छन् । उनीहरू पनि कलाकार नै रहेको प्रहरीको भनाइ छ । उनीहरुलाई मदिरा पिएर होहल्ला गरेको आरोपमा प्रहरीले नियन्त्रणमा लिएको जिल्ला प्रहरी परिसर काठमाडौंका प्रवक्ता एसपी नवराज अधिकारीले जानकारी दिए।
उनलाई बिहान २ बजे मदन भण्डारी कलेज नजिकबाट नियन्त्रणमा लिइएर नीहरूलाई प्रहरी वृत्त बानेश्वरमा राखिएको छ।
गायक राई सहितको समूहले मापसे गरेर रेस्टुरेन्ट अगाडि आपसमा विवाद गरेको थिए । मदिरा पिएर होहल्ला गरेपछि स्थानीयले प्रहरीलाई खबर गरेका थिए। प्रहरी पुग्दा उल्टै प्रहरीलाई नै थर्काएपछि पक्राउ गरिएको थियो ।
प्रहरीले होहल्ला नगर्न आग्रह गर्दा सरुवा गर्ने धम्की दिएर उल्टै प्रहरीलाई नै धम्कीपूर्ण भाषामा थर्काएपछि नियन्त्रणमा लिइएको हो ।
उनलाई छाड्नेबारे छलफल भइरहेको एसपी अधिकारीले बताए। ‘मुद्धा नै लगाउनुपर्ने कारण नभएको र सम्झाई बुझाई उनलाई परिवारको जिम्मा लगाउँछौं’ उनले भने।
