काठमाडौं । बलिउड अभिनेता शाहरुख खानको सन् २००४ मा एउटा फिल्म रिलिज भएको थियो ‘मै हूं ना।’ जसमा शाहरुख आर्मी अफिसर बनेका थिए । त्यसपछि सन् २०१२ मा अर्को एउटा फिल्म आयो जसको नाम थियो- ‘जब तक हैं जान’, यसमा पनि शाहरुखले आर्मी अफिसरको भूमिका निभाएका थिए ।
अब शाहरुख फेरि एक पटक ठूलो पर्दामा आर्मी अफिसरको भूमिकामा देखिन सक्ने खबर आइरहेका छन् । मिडिया रिपोर्टका अनुसार शाहरुखले चाँडै आफ्नो अर्को नयाँ फिल्मको घोषणा गर्न सक्ने छन्। उनको यस फिल्मको निर्देशक फराह खान हुन सक्ने छिन् । ।
यो फिल्म पनि मल्टिस्टार फिल्म हुने बताइएको छ । जसले ‘मै हुन ना’ को कथानकलाई धेरै हदसम्म पछ्याउने छ। यद्यपि यी समाचारमा अहिलेसम्म कुनै आधिकारिक रूपमा जानकारी दिइएको छैन । तर, फ्यानहरू भने यो फिल्मलाई लिएर निकै उत्साहित छन् ।
शाहरुख खान र फराह खानको जोडीले तीन वटा फिल्ममासँगै काम गरिसकेका छन् । फराहले अहिलेसम्म चार वटा फिल्म निर्देशन गरिसकेकी छिन् । जसमध्ये उनले शाहरुखसँग तीन फिल्ममा काम गरिसकेका छन् । फराहको पहिलो निर्देशकीय डेब्यू फिल्म ‘मै हूँ ना’ थियो । जुन शाहरुख खानको प्रोडक्सन कम्पनी रेड चिलीज इन्टरटेनमेन्ट अन्तर्गत बनेको फिल्म थियो । यसपछि फराहले शाहरुखसँग ‘ओम शान्ति ओम’ बनाइन् । जुन ब्लकबस्टर बन्यो ।
त्यसपछि फराहले सन् २०१४ मा ‘ह्याप्पी न्यू इयर’ नामको फिल्म बनाइन् । यो मल्टिस्टार डकैती फिल्म थियो। जसले टिकट विन्डोमा राम्रो प्रदर्शन गर्यो। त्यसयता फराह खानले कुनै फिल्म बनाएकी छैनन् । खबरको विश्वास गर्ने हो भने फराह शाहरुखसँग फिल्म बनाउने योजनामा छिन् । तर, अझै केही फाइनल भएको छैन ।
हालै एक युट्युब च्यानललाई दिएको अन्तर्वार्तामा फराहले आफूले अबको जुनसुकै फिल्म बनाउँदा शाहरुखसँग मात्रै बनाउने बताइन् । फराहले भनिन्, ‘जबसम्म निर्माता पक्ष वा शाहरुख खानबाट केही फाइनल हुँदैन, कुनै आधिकारिक घोषणा हुँदैन, केही भन्न धेरै हतार हुनेछ।’
शाहरुखको कुरा गर्ने हो भने उनका ‘जवान’, ‘पठान’ र ‘डंकी’ गत वर्ष आएका थिए । यी तीनवटै फिल्मले विश्वभर २६ सय करोडभन्दा बढी कमाइ गरेका थिए । अबको केही दिनमा शाहरुखले ‘किंग’ नामको फिल्म सुरु गर्न लागेका छन् । यो चलचित्रको छायांकन मेबाट सुरु हुँदै छ । यसमा शाहरुखसँगै उनकी छोरी सुहाना पनि देखिने छिन् ।
