काठमाडौं । अभिनेत्री केकी अधिकारीको निर्माण तथा अभिनय रहेको फिल्म ‘बोक्सीको घर’को ट्रेलर सार्वजनिक भएको छ।
आगामी बैशाख १४ गतेबाट सार्वजनिक प्रदर्शनमा आउने तयारीमा रहेको फिल्मको आइतबार ओएसआर डिजिटल युट्युब च्यानलमार्फत ट्रेलर सार्वजनिक गरिएको हो।
८ वर्षअघि मञ्चन भएको नाटक ‘बोक्सीको घर’मा आधारित रहेर निर्माण भएको फिल्मले समाजमा प्रचलित कुप्रथालाई चित्रण गर्ने बोक्सी कुप्रथाको नाममा महिलामाथि हुने हिंसालाई प्रस्तुत गरिएको छ । सामाजिक-थ्रिलर जनरामा निर्माण भएको फिल्मले समाजमा प्रचलित कूप्रथालाई चित्रण गर्नेछ ।
ट्रेलरमा समाजमा बोक्सी भनेर लगाइने आरोप, त्यसकै आधारमा महिलामाथि हुने अन्याय र त्यसको परिणाम देखाइएको छ । समाजमा रहेको अन्धविश्वासका कारण समाज कतिसम्म क्रुर बन्छ भन्ने तथ्यलाई ट्रेलरले उजागर गरेको छ । फिल्मको ट्रेलरमा केकीको चरित्रचित्रण प्रभावशाली देखिन्छ ।
सुलक्षण भारतीको लेखन तथा निर्देशन रहेको फिल्ममा केकीका साथै सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सबिन बास्तोला आदिको पनि अभिनय छ ।
लक्षण भारतीको लेखन तथा निर्देशन रहेको फिल्मलाई केकी अधिकारी फिल्म्सले निर्माण गरेको हो। केकीका बाबु बद्री अधिकारी निर्माता रहेको फिल्मका कार्यकारी निर्माता राज घिमिरे हुन्।
फिल्ममा केकीसँगै सुपला सापकोटा, स्वेच्छा राउत, सुलक्षण भारती, रमा थपलिया, सुष्मा निरौला, सविन बास्तोलालगायत कलाकारको अभिनय छ। लोचन रिजालको ब्याकग्राउण्ड म्युजिक रहेको फिल्मलाई शिवराम श्रेष्ठले छायांकन, लोकेश बज्राचार्यले सम्पादन गरेका हुन्। टिफल्क फिल्म्सले फिल्मलाई वितरण गर्नेछ।
