काठमाडौं । बेलायतका प्रधानमन्त्री ऋषि सुनक सरकारले आप्रवासीहरूको आगमनलाई कम गर्न नयाँ भिसा नियम ल्याएको छ । यसमा प्रायोजन शुल्क ५५ प्रतिशतभन्दा बढी बढाइएको छ ।
भारतीय मूलका व्यक्तिसहित बेलायतको पारिवारिक भिसाका लागि प्रायोजन खोज्ने जो कोहीले अब न्यूनतम वार्षिक तलब २९ हजार हुनु पर्छ । पहिले यो १८ हजार ६०० थियो । अर्को वर्ष यो आम्दानी ३९ हजार बनाउने तयारी गरेको छ । यो प्रधानमन्त्री सुनक र गृह सचिव जेम्स क्लिभर्लेको प्याकेजमा अन्तिम हो ।
बेलायतको गृह कार्यालयले कानूनी आप्रवासन कम गर्न र यहाँ आउने मानिसहरूले यहाँ करदातालाई भार नपर्ने कुरा सुनिश्चित गर्न यो गरिएको बताएको छ ।
सन् २०२३ मा करिब तीन लाख मानिस बेलायतमा बसाई सरेका थिए । यसपछि गृह कार्यालयले अब यति ठूलो अध्यागमन सम्भव नहुने बताएको छ ।
सरकारले गत वर्ष ल्याएको प्याकेजको एक हिस्साका रूपमा भिसाका धेरै मापदण्ड कडा पारेको छ । अब विद्यार्थी र हेरचाह गर्ने कामदारका लागि परिवारलाई बेलायतमा ल्याउन लगभग असम्भव छ ।
