राम्रो कोलेस्ट्रोल हाम्रो शरीरको लागि धेरै महत्त्वपूर्ण छ, यसले स्वस्थ कोशिकाहरूको निर्माणमा मद्दत गर्दछ । तर यदि खराब कोलेस्ट्रोल धेरै बढ्यो भने उच्च रक्तचाप, हृदयघात, कोरोनरी आर्टरी डिजिज र ट्रिपल जस्ता धेरै रोगहरूको जोखिम हुन्छ ।
विज्ञहरू खानेकुरामा ध्यान दिन सकेमा काेलेस्ट्राेल नियन्त्रणमा राख्न सकिने बताउँछन् । जसबारे यहाँ चर्चा गरिएकाे छ ।
यदि तपाई शरीरमा खराब कोलेस्ट्रोलको स्तर घटाउन चाहनुहुन्छ भने ट्रान्स फ्याट भएको खानेकुराबाट टाढा रहनुहाेस् । यो हाम्रो स्वास्थ्यको लागि धेरै हानिकारक छ, त्यसैले चिकित्सकहरू यसबाट बच्न सल्लाह दिन्छन्।
१. बिस्कुट
बिस्कुट खानुको कोलेस्ट्रोलसँग कुनै सरोकार हुँदैन भन्ने गलत धारणा अधिकांश मानिसमा हुन्छ । धेरैजसो कुकीजहरूमा ट्रान्स फ्याट हुन्छ, जुन स्वास्थ्यको लागि बिल्कुल राम्रो हुँदैन । विशेषगरी मिठो र संतृप्त बटरले बनेको बिस्कुट खानबाट आफू र आफ्नो परिवारलाई बचाउनुहोस्।
२. फ्रोजन फूड
आज, टेक्नोलोजी धेरै विकसित भएको छ । त्यसैले फ्रोजन फूडको चलन पहिलेको भन्दा बढेको छ । जब तपाई बजारबाट त्यस्ता चीजहरू खरीद गर्नुहुन्छ, त्यसपछि तिनीहरूको प्याकेटमा ट्रान्स फ्याटको स्तर निश्चित रूपमा जाँच गर्नुहोस्। घरमा ताजा खाना पकाउनु राम्रो हुन्छ।
३. केक
प्याक गरिएका अधिकांश केकको प्याकेट हेर्नुभयो भने त्यसमा ‘जिरो ट्रान्स फ्याट’ लेखिएको देख्नुहुनेछ, तर यसले ग्राहकलाई धोका दिन्छ, किनभने यो मात्रा वास्तवमा ०.५ ग्रामको हाराहारीमा हुन्छ। यदि तपाईंले लगभग २ ग्राम ट्रान्स फ्याट खानुभयो भने, यसले तपाईंलाई चिनी खाए जस्तै क्यालोरी दिन्छ र तपाईंको कोलेस्ट्रोल बढ्न थाल्छ।
४. फ्रेन्च फ्राइज
हामी मध्ये धेरैलाई फ्रेन्च फ्राइज मन पर्छ। यसको स्वादले धेरैलाई आकर्षित गर्छ, तर यसलाई फ्राइ गर्न हाइड्रोजनयुक्त फ्याट प्रयोग गरिन्छ, जसले कोलेस्ट्रोलको स्तर बढाउँछ। एजेन्सीबाट
