कलेजोमा बोसो जम्मा हुनु धेरै गम्भीर रोगहरूको सुरुवातको संकेत हुन सक्छ। फ्याटी लिभर डिजिज दुई प्रकारका हुन्छन्, पहिलो जो अत्याधिक मदिरा सेवनले हुन्छ र दोस्रो जो खराब जीवनशैली, मोटोपना र मधुमेहका कारणले हुन्छ ।
कलेजो शरीरको सबैभन्दा महत्त्वपूर्ण र संवेदनशील अंगमा पर्दछ । यसले रगत फिल्टर गर्ने, बोसो बचाउने र फोहोर हटाउने प्रक्रियामा महत्त्वपूर्ण भूमिका खेल्छ। त्यसैले कलेजो रोग लागेमा शरीरले राम्ररी काम गर्न नसक्दा गम्भीर रोगकाे जाेखिम बढ्छ । कलेजाेमा समस्या बढ्दै जाँदा क्यान्सरकाे रूप लिने पनि सम्भावना अधिक हुन्छ ।
फ्याटी लिभर रोग बढ्दै गएको संकेत
खुट्टा सुन्निने: कलेजाे समस्याग्रस्त हुँदा खुट्टा वरपरका तन्तुहरूमा तरल पदार्थ जम्मा हुन थाल्छ । खुट्टा वरपर सुन्निएकाे देखिन्छ ।
पेट फुल्नु: कलेजोकाे समस्या बढ्रदा पेटमा पानी जम्मा हुन थाल्छ, । जसले पेट फुल्ने समस्या निम्त्याउँछ। यसलाई सिरोसिस र क्यान्सर पनि भनिन्छ।
छाला सुन्निने: हात र खुट्टाको दुखाइकाे अतिरिक्त, छालाहरू सुन्निने र छालाहरूमा घाउ हुने समस्या पनि हुन सक्छ। यसबाहेक अनुहार पनि सुन्निन थाल्छ ।
कलेजाे जाेगाउने उपाय
यदि तपाईं कलेजाे जाेगाउन चाहनुहुन्छ भने आफ्नो तौल नियन्त्रण गर्नुहोस्। यसका लागि हरेक दिन कम्तीमा ३० मिनेट व्यायाम गर्नुहाेस् । कम बोसोयुक्त आहार लिनुहोस्।
कार्बोहाइड्रेट युक्त खानेकुराहरू (सेतो चामल, आलु, सेतो रोटी) कम गर्नुहोस् र धेरै धेरै जुस पिउनुहाेस् । मदिरा र धुम्रपानको सेवन नगर्नुहोस्। एजेन्सीकाे सहयाेगमा
नाेट : यहाँ जे लेखिएकाे भएपनि चिकित्सकसँगकाे परामर्शमा निर्णय लिन हाम्राे आग्रह छ ।
