काठमाडौं । काठमाडौं महानगर २८ पुतली सडकमा भ्यान र मोटरसाइकल ठोक्किँदा एक जनाको मृत्यु भएको छ ।
मृत्यु हुनेमा बागमती प्र ०२-०२७ प ८२८० नम्बरको मोटरसाइकलका चालक २३ वर्षीय शाहिल देउला रहेको प्रहरीले जनाएको छ । देउलाको मोटरसाइकल र बा २१ च ६४४८ नम्बरको पिकअप भ्यान पुतली सडकमा ठोक्किएका थिए ।
घटनापछि गम्भीर घाइते भएका देउलालाई उपचारका लागि राष्ट्रिय ट्रमा सेन्टर पठाइएको थियो । उनको उपचारकै क्रममा मृत्यु भएको हो । प्रहरीले पिकअप भ्यानका चालकलाई नियन्त्रणमा लिएर अनुसन्धान गरेको छ ।
प्रतिक्रिया दिनुहोस्
