मृत्यु एउटा यस्तो अपरिवर्तनीय सत्य हो, जसलाई कसैले टार्न सक्दैन। गरुड पुराणमा जन्म र मृत्युको चक्रसँग सम्बन्धित महत्त्वपूर्ण कुराहरूको व्याख्या गरिएको छ। गरुड पुराणले आफ्नो जीवनको अन्त्यमा पुग्दा अर्थात् मृत्यु हुने बेलामा मानिसले के-के कुराहरू महसुस गर्छ भन्ने विस्तृत जानकारी दिएकाे छ । आउनुहोस् हेरौं एक व्यक्तिले आफ्नो जीवनको अन्तिम पल कसरी बिताउँछ।
मृत्यु हुनुअघि पितृहरू प्रकट हुन्छन्
गरुड पुराणमा भनिएको छ, कि जब एक व्यक्तिले आफ्नो अन्तिम सास लिन्छ, उसले आफ्नो वरिपरि ती व्यक्तिहरूको छाया देख्न थाल्छ, जो पहिले यो संसार छोडेका थिए। उसलाई लाग्छ कि उनीहरूले उसलाई आफैंमा बोलाइरहेका छन्। मृत्यु हुने व्यक्तिलाई आफ्नो अन्तिम इच्छा परिवारलाई बताउनका लागि यस्ता संकेत प्राप्त हुने जनविश्वास रहेको छ ।
यो जादुई ढोका मृत्युअघि देखिन्छ
गरुड पुराणमा भनिएको छ कि जब मानिसले सास फेर्न थाल्छ, तब एक प्रकारको रहस्यमय ढोका देखिन थाल्छ । कतिपयले त्यो ढोकाबाट उज्यालोको किरण निस्किरहेको देख्छन् भने कतिपयले त्यो ढोकाबाट आगो निस्केको देख्छन्। यदि कोही व्यक्ति गम्भीर बिरामी छ र यस्तो केहि देखियो भने, परिवारले बुझ्नुपर्छ कि व्यक्तिले तिनीहरूलाई छोड्न लागेको छ। उहाँको अन्तिम इच्छा थाहा पाउन थाल्नुपर्छ।
यमदूतहरू देखिन्छन्
गरूण पूराणका अनुसार जीवनको अन्तिम पलमा मान्छेले कालो रङ्गका मान्छे देख्छन् । वास्तवमा यिनै यमदूतहरू हुन्, जो त्यो व्यक्तिको आत्मालाई साथमा लिन आउँछन्। जब मानिसले आफ्नो वरिपरि यमदूतहरूको उपस्थिति महसुस गर्न थाल्छ, तब उसले बुझ्नुपर्छ कि उसको केही सास मात्र बाँकी छ। यस्तो हुँदा वरपरको वातावरण पनि नकारात्मक हुन्छ ।
छायाले पनि साथ दिँदैन
मानिसहरु प्रायः यसो भन्दै गरेकाे सुन्न पाइन्छ कि मृत्यु आउँदा छायाले पनि साथ दिदैन । यो भनाइ मात्र होइन सत्य हो । जब मानिसको अन्तिम क्षण नजिक आउँछ, उसले पानी, गिलास, घ्यू वा तेलमा आफ्नो प्रतिबिम्ब देख्न सक्दैन। जब यो हुन्छ, तुरुन्तै बुझ्नुहोस् कि उसकाे धेरै समय बाँकी नै छैन।
राम्रो र नराम्रो काम सम्झन थाल्छन्
जब मानिसको अन्तिम घडी नजिकिन्छ, उ एक्कासी आफ्ना विगतका राम्रा-नराम्रा कामहरू सम्झन थाल्छ। जब उनको अन्तिम क्षण आउँछ, उनी आफ्नो परिवारलाई ती इच्छाहरू बताउन चाहन्छन्, जुन उनले आजसम्म कसैसँग बाँडेका छैनन्। यदि यस्तो हुन्छ भने, तपाईले व्यक्तिको कुरा धैर्यपूर्वक सुन्नुपर्छ र उसको अन्तिम इच्छा पूरा गर्नुपर्छ।
