काठमाडौं । दुई वटा मोटरसाइकल आपसमा ठोक्किँदा एक जनाको मृत्यु भएको छ । सुर्खेतमा भएको घटनामा पपरी रुकुम पश्चिम चौरजहारीका ३० वर्षीय भुवन केसीको मृत्यु भएको हो ।
प्रदेश ट्राफिक कार्यालयका अनुसार शनिबार बिहान सिम्ता गाउँपालिका ३ स्थित छिन्चु-जाजरकोट सडक खण्डमा नेपालगञ्जतर्फ जाँदै गरेको मोटरसाइकल र विपरीत दिशाबाट आउँदै गरेको क.प्र.-०३-००१प-०३७९ नं. को मोटरसाइकल ठोक्किएका थिए ।
नेपालगञ्जतर्फ जाँदै गरेको मोटरसाइकलका चालकसमेत रहेका केसीको घटनास्थलमै मृत्यु भएको हो । उनको मोटरसाइकल भेरी नदीमा खसेकाले अहिलेसम्म फेला परेको छैन । उनको शव नदी किनारमा फेला परेको थियो ।
प्रतिक्रिया दिनुहोस्
