आज मिति २०८१ वैशाख ३० गते आइतबार । सन् २०२४ मे १२ तारिख । नेपाल सम्बत ११४४ बछलाथ्व पञ्चमी तिथि । आज नेपालमा सूर्योदय बिहान ५ बजेर १६ मिनेटमा भयो भने सूर्यास्त साँझ ६ बजेर ४४ मिनेटमा हुनेछ । अब सुरु गरौँ राशिफलः
मेष
आजको दिन सहयोगीहरूले काममा सहयोगको तत्परता देखाउने छन् । समयको गतिलाई पछ्याउन प्रयत्न गर्नुहोला । प्रतिस्पर्धामा केही कमजोर सावित भइएला, तर अप्ठ्यारो परिस्थितिमा पनि काम बन्ने छन् । समयको सदुपयोग हुनेछ । आरोग्यता वृद्धिको अनुभूति होला । मित्रजन सहयोगी बनेर देखापर्लान् । आमोदप्रमोदको माओल बन्ला ।
बृष
लगनशीलताले राम्रै उपलब्धि दिलाउने दिन छ । समय लागेपनि आवश्यक काम सम्पादन हुने छन् । परिवारजनको सहयोग मिल्नेछ भने आश मारेको कामको फल प्राप्त हुन सक्छ । घरेलु समस्यामा अल्झनु पर्ने योग छ । सिर्जनात्मक कार्य सम्पादन हुनेछ । पारिवारिक समस्याको समाधान मिल्ने योग छ । यात्रापरक काम बन्नेछ । आफन्तको साथ मिल्ने छ ।
मिथुन
आजको दिन कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ । विवेकले काम लिने प्रयत्न गर्नु होला । विचारलाई तौलेर मात्र व्यक्त गर्नु बुद्धिमानी हुनेछ । स्वास्थ्यमा सामान्य कमजोरी अनुभूति होला । केही चुनौतीको पनि सामना गर्नुपर्ने योग छ । व्यावसाय विस्तारका लागि यात्राको सम्भावना छ । आय बढ्नेछ । शत्रुपक्षमाथि विजय प्राप्त हुनेछ । समस्याको समाधान प्राप्त हुनेछ ।
कर्कट
कर्मबल र आरोग्यता बढ्ने छ । रोकिएको काम बन्ने छ । दाम्पत्य सम्बन्धमा रमाउने समय छ । दिन मनोरञ्जनपूर्ण रहनेछ । प्रेमको बन्धन कसिएला । आजको दिन स्वास्थ्यका लागि खानपानमा सजग रहनुहोला । आलस्यले गर्दा अवसर गुम्न सक्छ । सोख पूर्तिका लागि खर्च बढ्ला । अति आवश्यक अवस्थामा बाहेक आर्थिक कारोवार नगर्नु नै उचित हुनेछ । रसरागमा आकर्षण बढ्ला ।
सिंह
दिन शुभदायी छ । भाग्यबल बढ्नेछ भने अनुकूल समय रहने छ । आम्दानी बढ्ने छ । बिनाप्रतिस्पर्धा फाइदा हुने योग छ । आतिथ्यपूर्ण सम्मान पाइएला । तत्काललाई ठूलो फाइदा नउठे पनि भविष्यका लागि विशेष काममा जग बसाउने अवसर प्राप्त हुनेछ । अरूको भरपर्दा काम रोकिन सक्छ । ध्यान राख्नुहोला । तथापि बौद्धिक, रचनात्मक र कलात्मक काममा सफलता मिल्नेछ ।
कन्या
अनुकूल समय छ । रोकिएका काम बन्नाले उत्साह जाग्ने छ । शत्रुहरू किनारा लाग्ने छन् भने प्रतिस्पर्धामा विजयी भइने छ । अचल सम्पत्तिको उपयोगबाट लाभ उठाउन सकिने छ । सहयोगीहरूले राम्रो साथ दिने छन् । मिठो भोजन प्राप्त हुनेछ । साथीभाइको सहयोग प्राप्त गर्नुहुनेछ । पारिवारिक सुखशान्ति रहने छ । आफन्तको साथ प्राप्त हुनेछ ।
तुला
व्यवसायमा लगानी बढाउनु पर्ने समय छ । खर्चको मात्रा बढ्ने देखिन्छ । इर्ष्या गर्नेहरूले काममा अवरोध गर्न सक्छन् । आफ्ना योजना गोप्य राखेर अघि बढ्नु हितकर होला । चुनौती चिर्दै काम सम्पादन गर्न सकिने छ । आफ्नै कमजोरीले विवादमा परिने योग रहे पनि आँटेको काममा सफलता मिल्नेछ । विलासी काममा आकर्षण बढ्ने छ ।
बृश्चिक
व्यापारलगायत आर्थिक लाभका काममा राम्रै फाइदा हुने समय छ । स्वादिष्ट भोजनमा मन रमाउला । अध्ययनमा मन नलागे पनि आत्मविश्वास बढ्ने छ । रोकिएका काम बिस्तारै बन्ने छन् । मातापिता, मान्यजन वा विशिष्ट व्यक्तिसँग विवादको सम्भावना छ, संयमता अपनाउनु हितकर होला । धर्मकर्ममा आकर्षण बढ्ने छ । रचनात्मक कार्यमा सफलता प्राप्त हुनेछ ।
धनु
आजको दिन व्यावसायिक काममा खर्च बढ्ने छ भने अरूका काममा महत्वपूर्ण समय बित्न सक्छ । अरूको व्यवहारले शंका उब्जाए पनि मान्यजनको सुझाव शिरोधार्य गर्दा लाभ हुनेछ । नयाँ कामको प्रस्ताव आए पनि हिम्मत गर्न नसक्दा केही पछि परिने छ । मान महत्व वृद्धि होला । गीतसंगीत र रसरागात्मक काममा आकर्षण बढ्ने छ ।
मकर
रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुनेछ । प्रतिस्पर्धीलाई सजिलै हराउन सकिने छ । प्रेम गर्ने अवसरका साथै प्रेम विवाहमा परिणत हुने योग छ । आजको दिन कमजोर मानसिकताले पछि परिने छ भने हिम्मत गर्दा पुरुषार्थी काम सम्पादन हुन सक्छ । अप्ठ्यारा परिस्थितिसँग सम्झौता गर्नुपर्दा लक्ष्य प्राप्तिमा विलम्ब हुनेछ, सचेत रहनुहोला । नियमकानूनले साथ दिनाले दायित्वलाई पूरा गर्नु हुनेछ ।
कुम्भ
धन आर्जन गर्ने मौका मिल्ने समय छ । विशेष योजना गोप्य राखेर अघि बढ्नु होला । गरिएका कर्मको उचित प्रतिफल पाइने छ । तर, पुरानो गतिले काम बिग्रन सक्छ । बेसुरमा वचन दिने बानीले दुःख पाइने छ । कतै आतिथ्यता र मिठो भोजन प्राप्त हुने योग छ । बौद्धिक र रचनात्मक कार्य पनि बन्नेछ ।
मीन
लगनशीलताले राम्रै उपलब्धि दिलाउने छ । समयको गतिलाई पछ्याउन प्रयत्न गर्नुहोला । बुद्धिको उपयोगले लक्ष्य पहिल्याउन सकिने छ । धेरैलाई आफ्नो पक्षमा लिन सकिने समय छ । धैर्यसाथ निरन्तरको प्रयत्नले काममा फाइदा होला । पारिवारिक जमघटमा मन रमाउने छ । व्यापार–व्यवसायमा लाग्नेहरूलाई विशेष फाइदा हुनेछ । सभासमारोहमा सम्मानित हुनुहुने छ ।
