काठमाडौं । नेपाली कांग्रेसका महामन्त्री गगन थापा र नेता डा. शेखर कोइरालाबीच भेटवार्ता भएको छ । दुवै नेताबीच आइतबार बिहान कोइरालाको सचिवालय विशालनगरमा भेट भएको छ ।
नेता कोइराला र महामन्त्री थापाको यो नियमित भेटघाट रहेको बुझिएको छ । भेटमा दुई नेताबीच राष्ट्रिय राजनीति, संसदमा कांग्रेसले जारी राखेको अवरोध र पार्टीको आन्तरिक गतिविधिका बारेमा कुराकानी भएको थियो ।
भेटमा महामन्त्री थापाले शनिबार राष्ट्रपति र आइतबार प्रधानमन्त्रीसँग भएको भेटबारे कोइरालालाई जानकारी गराएका थिए ।
प्रतिक्रिया दिनुहोस्
