काठमाडौं । हत्याको आरोपमा सर्वोच्च अदालतबाट १० वर्ष कैद सजाय तोकिएका फरार अभियुक्त १८ वर्षपछि पक्राउ परेका छन् ।
पक्राउ पर्नेमा बागलुङको निसीखोला गाउँपालिका ४ घर भई हाल कपिलवस्तुको बाँणगंगा नगरपालिका ७ बस्ने ५१ वर्षकी दुर्गा गौतम भन्ने दुर्गा आचार्य र उनकै सहोदर बहिनी ४६ वर्षीय पार्वती आचार्य रहेका छन् ।
जिल्ला प्रहरी कार्यालय बागलुङको टोलीले दुवैलाई वैशाख २२ गते कपिलवस्तुकै बाँणगंगाको बनगाई भन्ने स्थानबाट पक्राउ गरेको प्रहरीले जनाएको छ ।
बागलुङ प्रहरीका सूचना अधिकारी विजय यादवका अनुसार उनीहरूलाई जिल्ला अदालतमा पेश गरेकोमा अदालते कारागार चलान गरेको जनाएको छ। फैसला कार्यान्वयनका लागि अदालतले आदेश दिएपछि दुवैजनालाई प्रहरी हिरासतबाट कारागार पठाइएको हो।
प्रतिक्रिया दिनुहोस्
