काठमाडौं । नेपाली बजारमा सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार साताको दोस्रो कारोबार दिन सोमबार आइतबारको तुलनामा सुनचाँदीको मूल्य घटेको हो ।
महासंघका अनुसार सोमबार छापावाल सुन प्रतितोला एक लाख ३८ हजार एक सय रुपैयाँ छ भने तेजाबी सुन प्रतितोला एक लाख ३७ हजार ४५० रुपैयाँ छ ।
सोमबार सुनको मूल्य घटेसँगै चाँदीको मूल्य पनि घटेको महासंघले जनाएको छ । महासंघका अनुसार आइतबारको तुलनामा चाँदीको मूल्य तोलामा १० रुपैयाँले घटेको छ ।
यससँगै सोमबार चाँदी प्रतितोला एक हजार ७१५ रुपैयाँ कायम भएको महासंघले जनाएको छ ।
अन्तराष्ट्रिय बजारमा सुनचाँदीको मूल्यमा भइरहेको घटबढको प्रभावले स्थानीय पनि मूल्य घटबढ भइरहेको महासंघले जनाएको छ । महासंघका अनुसार सुनचाँदीको मूल्यमा घटबढसँगै किनबेच पनि प्रभावित भएको छ ।
प्रतिक्रिया दिनुहोस्
