काठमाडौं । नेपाल अमेरिकाको विनवार्ड्स भोलक्यानोजविरुद्धको पहिलो अभ्यास खेलमा चार विकेटले विजयी भएको छ । गएराति सम्पन्न खेलमा नेपालले चार विकेटले विजयी भएको हो ।
विनवार्ड्सले दिएको १९७ रनको लक्ष्य पछ्याएको नेपालले १९.३ ओभरमा ६ विकेट गुमाएर विजयी भएको हो । नेपालका लागि ओपनर कुशल भुर्तेलले ४२ बलमा ७१ र दीपेन्द्र सिंह ऐरीले २५ बलमा अविजित ५२ रन बनाए । त्यस्तै सोमपाल कामी ३५ रनमा अविजित रहे ।
यसअघि पहिला ब्याटिङ गरेको विनवार्ड्सले २० ओभरमा ८ विकेट गुमाउँदै १९६ रन बनाएको थियो । विश्वकपको तयारीमा रहेको नेपालले विनवार्ड्स भोलक्यानोजसँग थप दुई अभ्यास खेल खेल्ने छ ।
नेपालले अब १६ मेमा दोस्रो र १८ मे मा तेस्रो अभ्यास खेल खेल्ने छ ।
प्रतिक्रिया दिनुहोस्
