काठमाडौं । क्रिकेटर सन्दीप लामिछानेको मुद्दामा फैसला गर्ने तयारी हुँदै गर्दा प्रहरीले सुरक्षा व्यवस्था कडा बनाएको छ । प्रहरीले अदालत परिसर हुँदै जाने सबै यात्रुलाई जाँच गरेको छ ।
यसै क्रममा ‘हाम्रो सफलताको नेपाल’ संस्थामा आबद्ध भएका महिलाहरू पञ्चे बाजासहित उच्च अदालत पाटन पुगेको छ । महिलाहरू पञ्चे बाजासहित अदालत जाने प्रयास गरिरहेका छन् ।
प्रहरीले पञ्चे बाजाको समूहलाई जान रोकेको छ । उनीहरू पञ्चे बाजासहित मंगलबार पनि अदालत परिसरमा पुगेका थिए ।
यस्तै, प्रहरीले सवारी साधनमा जाने सबै यात्रुको जाँच गरेर मात्रै अदालत नजिकको सडक हुँदै जान दिएको छ ।
प्रतिक्रिया दिनुहोस्
