काठमाडौं । सरकारसँग लामो समयको लडाइँपछि नेदरल्याण्ड्सकी २९ वर्षीया युवतीले इच्छा मृत्युको अनुमति पाएकी छन् । जोरया टेर बेक नामकी युवतीले इच्छा मृत्यु पाएकी हुन् ।
जर्मनीको सिमाना नजिकै नेदरल्याण्डमा बस्दै आएकी उनले साढे तीन वर्षदेखि नेदरल्याण्ड प्रशासनसँग इच्छा मृत्युका लागि लड्दै आएकी थिइन् । द गार्डियनका अनुसार लडाइँ जितेसँगै यो महिना उनको मृत्यु हुने भएको हो ।
जोराया लामो समयदेखि अटिजम र असहनीय मानसिक समस्यासँग संघर्ष गरिरहेकी थिइन् । अटिजम भएको व्यक्तिले आफैलाई प्रहार गर्छ र चोट पुर्याउँछ ।
उसलाई आत्महत्या गर्ने सोच आइरहन्छ । जोरायोले अब आफ्नो समस्याको समाधान नभएको महसुस गरिन् । जसका कारण उनले इच्छा मृत्युको माग गरेका थिए ।
जोराया शारीरिक रूपमा पूर्ण रूपमा फिट छिन् । यस्तो अवस्थामा उनको इच्छा मृत्युको स्वीकृतिमा प्रश्न उठिरहेको छ । मानसिक रोगबाट ग्रसित मानिसहरूले इच्छा मृत्युलाई अपनाउने गरेको बताउँछन् ।
उनी क्रोनिक डिप्रेसन, एन्जाइटी, ट्रमा र पर्सनालिटी डिसअर्डर जस्ता समस्याबाट ग्रसित हुन थालेकी थिइन्र । यसबाहेक उनलाई अटिजमको समस्या थियो ।
जोरायाले आफ्नो रोगसँग लड्न इलेक्ट्रोकन्भल्सिभ थेरापीको ३० भन्दा बढी उपचार गराइन् । यसमा बिरामीलाई विद्युतीय झटका दिइन्छ । तर उनको स्वास्थ्यमा कुनै सुधार आएको छैन । जोरायाले गार्जियनलाई भनिन्, ‘उपचार सुरु गरेपछि सबै ठिक हुन्छ भन्ने आशा छ तर समयसँगै त्यो आशा पनि हराउन थाल्यो ।’
१० वर्षसम्म विभिन्न विधिबाट उपचार गराएपछि अन्ततः निराश भएर स्वस्थ जीवन जिउने आशा त्यागेको जोरायाले बताइन् । त्यसपछि उनले इच्छा मृत्युका लागि आवेदन दिए । उनले इच्छा मृत्यु हासिल गर्न त्यति सजिलो नभएको बताइन् ।
इच्छा मृत्युलाई वैधानिकता दिने पहिलो राष्ट्र नेदरल्याण्ड्स हो । त्यहाँ सन् २००१ मा इच्छामृत्युलाई कानूनी मान्यता दिइएको थियो । नेदरल्याण्डमा इच्छा मृत्युको स्वीकृति पाएपछि चिकित्सकहरूले सम्बन्धित व्यक्तिको घरमा अन्तिम मिनेटको प्रक्रिया गर्छन् । यो क्रममा बिरामीलाई विशेष प्रकारको इन्जेक्सन दिइन्छ ।
चिकित्सकको अलिकति पनि लापरवाही देखिए १२ वर्षसम्म कैद हुन सक्छ । सन् २०२२ मा नेदरल्याण्डमा कूल ८५०१ मानिसहरूले यस कानूनी विधिमार्फत आफ्नो जीवन बलिदान दिइसकेका छन् । एजेन्सी
