काठमाडौं । सन् १९९७ को सर्वकालीन ब्लकबस्टर फिल्म ‘बोर्डर’ को सिक्वेलको तयारी सुरु भएको छ । १६ वर्षको अन्तरालपछि यस फिल्ममा फिल्ममा ५६ वर्षीय सनी देओलसँगै आयुष्मान खुराना पनि मुख्य भूमिकामा देखिनेछन् । अब छिट्टै फिल्मको छायांकन सुरु गर्ने निर्माण पक्षले जनाएको छ ।
मिडिया रिपोर्टका अनुसार ‘बोर्डर २’ को छायांकन अक्टोबरबाट सुरु हुने बताइएको छ । यसपटक पनि यसको कथा भारत-पाकिस्तान युद्धमा आधारित हुनेछ । यो फिल्मलाई जेपी दत्तले निर्देशन र निर्माण गर्न लागेका छन् । उनैले यस अघि १९९७ को ‘बोर्डर’ पनि निर्देशन गरेका थिए । यो फिल्मले चारवटा राष्ट्रिय चलचित्र पुरस्कारसहित धेरै अवार्ड जित्यो ।
६१ करोड भारु कमाएको ‘बोर्डर’मा सनीबाहेक सुनिल शेट्टी, अक्षय खन्ना, ज्याकी श्राफ, राखी, तब्बु, पूजा भट्ट, पुनित इस्सर लगायतको अभिनय थियो। फिल्मको ‘सन्देशे आते है’ बोलको गीत अत्यन्तै चर्चित भएको थियो।
भूषण कुमार र जेपी दत्तकी छोरी निधि दत्तले पनि फिल्म निर्माण गर्दैछन् । यस फिल्ममा सनी देओल मेजर कुलदीपको भूमिकामा देखिनेछन् ।फिल्म सन् २०२६ मा गणतन्त्र दिवसको अवसरमा रिलिज हुनेछ ।
सनी देओलले यस फिल्मको पारिश्रमिक ५० करोड भारु पाउनेछन् । यति मात्र होइन, उनले यो फिल्मका निर्मातासँग नाफा पनि बाँड्नेछन् ।
सनीका फिल्महरूको बारेमा कुरा गर्दा उनको अन्तिम फिल्म ‘गदर २’ थियो, जुन बक्स अफिसमा सुपरहिट थियो । उनी चाँडै ‘लाहोर १९४७’, ‘बाप’, ‘सूर्य’ र ‘अपने २’ मा देखिनेछन् । फिल्म ‘बोर्डर’ सन् १९९७ मा रिलिज भएको थियो । १० करोडमा बनेको यो फिल्मले ६५ करोड कमाएको थियो । यो त्यो वर्षको सबैभन्दा ठूलो फिल्म थियो ।
