काठमाडौं । सनराइजर्स हैदरावाद इण्डियन प्रिमियर लिग (आईपीएल)को फाइनलमा पुगेको छ ।
शुक्रबार राति सम्पन्न दोस्रो क्वालिफायरमा राजस्थान रोयल्सलाई ३६ रनले पराजित गर्दै सनराइजर्स फाइनलमा पुगेको हो ।
सनराइजर्सले दिएको १७६ रनको लक्ष्य पछाएको राजस्थानले २० ओभरमा ७ विकेट गुमाउँदै १३९ रन बनाएको थियो । यसअघि पहिला ब्याटिङ गरेको सनराइजर्सले २० ओभरमा नौ विकेट गुमाउँदै १७५ रन बनाएको थियो ।
यो जितपछि सनराइजर्स तेस्रो पटक फाइनलमा पुगेको छ । सनराइजर्सले २०१६ मा उपाधि जितेको थियो । ०१८ मा फाइनलमा पराजित भएको थियो ।
अब फाइनल खेल आइतबार सनराइजर्स हैदरावादले कोलकोता नाइट राइडर्ससँग खेल्ने छ ।
प्रतिक्रिया दिनुहोस्
