काठमाडौं । स्थानीय बजारमा फेरि सुनको मूल्य बढ्न थालेको छ । नेपाल सुनचाँदी महासंघले जनाएअनुसार पछिल्लो तीन दिनदेखि लगातार मूल्य बढिरहेको छ ।
महासंघका अनुसार मंगलबारको तुलनामा बुधबार सुनको मूल्य तोलाकै छ सय रुपैयाँले बढेको छ । जससँगै स्थानीय बजारमा छापावाल सुनको मूल्य एक लाख ३८ हजार दुई सय रुपैयाँ र तेजाबी सुनको मूल्य एक लाख ३७ हजार पाँच सय ५० रुपैयाँ कायम भएको महासंघले जनाएको छ ।
सुनको मूल्य बढिरहँदा स्थानीय बजारमा चाँदीको मूल्य पनि लगातार बृद्धि भइरहेको महासंघले जनाएको छ । मंगलबारको तुलनामा तोलामा १० रुपैयाँले बढ्दै चाँदी प्रतितोला एक हजार नौ सय ३० रुपैयाँ पुगेको महासंघले जनाएको छ ।
अन्तराष्ट्रिय बजारमा मूल्य घटबढ भइरहँदा त्यसको प्रभाव स्वदेशी बजारमा परेको महासंघको भनाई छ । मूल्यमा भइरहेको तिव्र घटबढसँगै खरिद–बिक्री भने प्रभावित भएको बताइएको छ ।
