काठमाडौं । आफ्नै ठूली आमा ७० वर्षीया कलुली देवी पातलीलाई कुटपिट गरी हत्या गरेको अभियोगमा बझाङको बुङगल नगरपालिका ११ तल्लो मौरेबाञ्ज बस्ने पुरुष पक्राउ परेका छन् ।
पक्राउ पर्नेमा ३६ वर्षीय हरजित बहादुर पातली रहेको प्रहरीले जनाएको छ । उनले मादक पदार्थ सेवन गरी कलुली देवीलाई कुटपिट गर्दा घटनास्थलमै मृत्यु भएको थियो ।
खबर प्राप्त हुनासाथ अस्थायी प्रहरी पोष्ट पुतलीलेक र जिल्ला प्रहरी कार्यालय बझाङबाट खटिएको प्रहरीले हरजितलाई पक्राउ गरेको हो । घटनाबारे अनुसन्धान भइरहेको प्रहरीले जनाएको छ ।
प्रतिक्रिया दिनुहोस्
