काठमाडौं । फिल्म ‘आउट लः २१९’को पोस्टर सार्वजनिक गर्दे प्रदर्शन मिति घोषणा गरिएको छ । फिल्मको फस्टलुक पोस्टर सार्वजनिक गर्दे यसै वर्षको असोज ३ लाई विश्वव्यापी रुपमा रिलिज हुने गरि प्रदर्शन मिति घोषणा गरिएको हो ।
स्याडो पिक्चर्स र रेट्रो फिल्मस्को प्रस्तुतिमा तयार भएको फिल्मको सार्वजनिक पोस्टरमा मुख्य नायक सुशिल श्रेष्ठलाई एक्सन एङ्ग्री अवतारमा देखाइएको छ । जहाँ उनी मेसिनगन बोकेर उभिएको देख्न सकिन्छ । फस्टलुकले फिल्मप्रति दर्शकको उत्साह अझै बढ्ने देखिएको छ ।
नायक सुशिल श्रेष्ठका लागि यो फिल्म बलियो कमब्याको रुपमा रहने चर्चा फिल्मीवृत्तमा चलिरहेको छ । यसअघि फिल्मको सार्वजनिक भिडियोले पनि निकै चर्चा पाएको थियो ।
अमित अग्रहरिको निर्माणमा तयार भएको यो फिल्ममा विक्की महर्जनको लेखन तथा निर्देशन छ । फिल्ममा सुशिलका साथमा नरेश पौडेल, शिक्षा संग्रौला, सुमन भण्डार, हेम गुरुङ, सोनी लागुनको अभिनय छ ।
विनोद कडायत र सशांक खड्का कार्यकारी निर्माता रहेको फिल्ममा विकास चौधरी सह-निर्माताको रुपमा छन् । नविन गुरुङको डीओपी रहेको यो फिल्ममा साहिल खानको सम्पादन छ । चुल्ठे काजीको एक्सन रहेको फिल्ममा इश्वर घिमिरे प्रोडक्शन म्यानेजरको रुपमा छन् । विजय बस्यालको पब्लिसिटी डिजाइन रहेको फिल्ममा श्रृजना सुत्रको कास्टिङ छ ।
यो फिल्मलाई देशभर डीसीएनले वितरण गर्नेछ ।
