काठमाडौं । अमेरिका र वेष्ट इण्डिजमा हुने टी २० विश्वकपको सुरु हुन अब केही घण्टा मात्रै बाँकी छ । प्रतियोगितामा २० टोलीहरू २९ दिनसम्म खेल चल्ने छ ।
विश्वकपबारे तयार पारेको केही जानकारी यस प्रकारका छन्:
* २० ओभरको नवौं संस्करणको खेल जुन १ देखि २९ सम्म चल्ने छ ।
* यो खेल अमेरिकाले क्यानाडासँग खेल्दै सुरु हुन्छ ।
* प्रतियोगितामा चार समूहमा विभाजन गरी २० टोली सहभागी छन् ।
* प्रत्येक समूहका टोलीहरू राउन्ड रोबिन ढाँचामा एक-अर्काको सामना गर्ने छन् । एक जीत दुई अंकको छ र एक टाई वा बराबरी एक अंकको हुन्छ ।
* प्रत्येक समूहबाट शीर्ष दुई टोलीहरू सुपर ८ मा पुग्ने छन् । जहाँ उनीहरूलाई प्रत्येक चारको दुई समूहमा विभाजन गरिने छ । राउण्ड रोबिन ढाँचामा एक अर्कासँग खेल्ने छ ।
* दुई समूहबाट विजयी भएका शीर्ष चार दुई टोली सेमिफाइनलमा पुग्ने छन् ।
* सेमिफाइनलमा पुगेको चार टोलीबाट पहिलो, दोस्रो, तेस्रो र चौथो छनोट हुनेछ ।
* खेल नौ स्टेडियमहरूमा हुने छन् । जसमा छ वेष्ट इण्डिजमा र तीन अमेरिकामा ।
विगतका विजेताहरू
२००७- मा भारतले पाकिस्तानलाई पाँच रनले हराएको थियो ।
२००९- पाकिस्तानले श्रीलंकालाई आठ विकेटले हराएको थियो ।
२०१०- इंग्ल्याण्डले अष्ट्रेलियालाई सात विकेटले हराएको थियो ।
२०१२- वेष्ट इण्डिजले श्रीलंकालाई ३६ रनले हराएको थियो ।
२०१४- श्रीलंकाले भारतलाई छ विकेटले हराएको थियो ।
२०१६- वेष्ट इण्डिजले इंग्ल्याण्डलाई चार विकेटले हराएको थियो ।
२०२१- अष्ट्रेलियाले न्यूजिल्याण्डलाई आठ विकेटले हराएको थियो ।
२०२२- इङ्ल्यान्डले पाकिस्तानलाई पाँच विकेटले हराएको थियो । एजेन्सीको सहयोगमा
