काठमाडौं । नेपाली बजारमा सुनको मूल्य भारी वृद्धि भएको छ । नेपाल सुन चाँदी व्यवसायी महासंघका अनुसार यो साता सुनको मूल्य प्रतितोला पाँच हजार ३०० रुपैयाँले बढेको हो ।
गत साताको शुक्रबार छापावाल सुनको मूल्य प्रतितोला एक लाख ३६ हजार ९०० रुपैयाँ थियो । तेजबी सुनको मूल्य तोलामा एक लाख ३६ हजार २५० रुपैयाँ थियो ।
यो साताको शुक्रबारसम्म बढेर छापावाल सुनको मूल्य प्रतितोलामा एक लाख ४२ हजार २०० रुपैयाँ र तेजाबी सुनको मूल्य तोलामा एक लाख ४१ हजार ५०० रुपैयाँ कायम छ ।
महासंघका अनुसार यो साता चाँदीको मूल्य प्रतितोलामा २० रुपैयाँले बढेको छ । गत साताको शुक्रबार १८ सय ५५ रुपैयाँमा कारोबार भएको चाँदीको मूल्य यो शुक्रबारस १८ सय ७५ रुपैयाँ कायम भएको छ ।
प्रतिक्रिया दिनुहोस्
