काठमाडौं । आईसीसी टी २० विश्वकपको उद्घाटन खेलमा आयोजक अमेरिकाले सानदार विजयी शुरुवात गरेको छ । आइतबार बिहान सम्पन्न खेलमा अमेरिकाले क्यानडालाई सात विकेटले पराजित गरेको हो ।
क्यानडाले दिएको १९५ रनको लक्ष्य पछाएको अमेरिकाले जम्मा १७.४ ओभरमा ३ विकेट गुमाउँदै लक्ष्य पूरा गरेको हो । अमेरिकाका लागि एरोन जोन्सले अविजित ९४ र आद्रिज गोउसले ६५ रन बनाए ।
टस हारेर पहिला ब्याटिङ्ग गरेको क्यानडाले २० ओभरमा पाँच विकेट गुमाउँदै १९४ रन बनाएको थियो । क्यानडाका लागि नवनीत धालिवालले सर्वाधिक ६१ र निकोलस क्रितोनले ५१ रन बनाए । श्रेयस मोभ्भाले १६ बलमा ३२ रन अविजित बने ।
यो जितपछि समूह ‘ए’मा रहेको अमेरिकाले २ अंक हासिल गरेको छ । अमेरिकाले दोस्रो खेल जुन ६ मा पाकिस्तानविरुद्ध खेल्ने छ । क्यानडाले दोस्रो खेल जुन ७ मा आयरल्याण्डविरुद्ध खेल्ने तालिका रहेको छ ।
प्रतिक्रिया दिनुहोस्
