काठमाडौं । सुनसरीको हरिनगर गाउँपालिका ५ दुर्गा मन्दिर नजिकबाट गए राति स्रोत नखुलेको एक करोड एक लाख रुपैयाँसहित एक जना पक्राउ परेका छन् ।
सशस्त्र प्रहरी बल, नेपाल बोर्डर आउट पोष्ट वसन्तपुरको चेकप्वाइन्ट टोलीले घुस्की नाकाबाट हरिनगरतर्फ जाँदै गरेको बा १६ च ७६१३ नम्बरको कारमा निरीक्षण गर्दा बोरामा लुकाएको अवस्थामा रकम फेला परेको प्रहरीले जनाएको छ ।
प्रहरीका अनुसार हरिनगर ५ का ३७ वर्षीय इसा अन्सारीलाई पक्राउ गरिएको छ । उक्त रकम हुण्डी कारोबारको भएको आशंका गरिएको छ ।
बरामद रकम, कार र चालकलाई राजस्व अनुसन्धान कार्यालय पठाइने सशस्त्र प्रहरी बल बराहवाहिनीका सहप्रवक्ता शैलेन्द्र थापाले जानकारी दिए ।
प्रतिक्रिया दिनुहोस्
