काठमाडौं । नयाँ सातासँगै नेपाल स्टक एक्सचेन्ज (नेप्से)मा सुधार देखिएको छ । साताको पहिलो कारोबार दिन आइतबार नेप्से परिसूचक दोहोरो अंकले बढेको छ ।
आइतबार १३.५१ अंकले बढ्दै नेप्से २०८३.०४ को बिन्दुमा उक्लिएको छ । समग्रमा ०.६५ प्रतिशतले परिसूचक बढेको छ ।
लगानी, उत्पादन तथा प्रशोधन र सामूहिक लगानी उपसूचकमा गिरावट आउँदा यस दिन अन्य उपसूचकहरुमा हरियाली छायो । यस दिन सर्वाधिक व्यापार उपसूचकमा ६.५६ प्रतिशतले बृद्धि भएको छ ।
१७४ कम्पनीको शेयर मूल्य बढ्दा ६१ कम्पनीको मूल्यमा गिरावट आएको छ । १२ कम्पनीको मूल्य भने स्थिर रहे ।
९६ लाख ९७ हजार २०६ कित्ता शेयर किनबेच हुँदा यस दिन चार अर्ब ३१ करोड १० लाख रुपैयाँ माथिको कारोबार भएको छ । आइतबार सबैभन्दा बढी नेपाल फाइनान्स, पोखरा फाइनान्स, फस्ट माइक्रो फाइनान्सलगायतको काराबोर भएको छ ।
नेपाल फाइनान्सको मात्रै तीन लाख ८२ हजार कित्ता शेयर किनबेच हुँदा कारोबार रकम २२ करोड ६४ लाख रुपैयाँ माथिको भएको छ ।
मौद्रिक समीक्षासँगै बढेको नेप्सेमा बजेटसँगै थप उत्साह जाग्ने आशा गरिएको थियो । यद्यपि, बजेटसँगै नेप्सेमा थप सुस्तता देखियो ।
तर, तिव्र उतारचढावपछि आइतबारदेखि नेप्सेमा सुधारको संकेत देखिएको छ । आइतबारको कारोबारसँगै नेप्से उकालो लाग्दै गर्दा सूचकहरु पनि सकारात्मक देखिएका छन् ।
