काठमाडौं । प्रमुख दलका शीर्ष नेताबीच भेटवार्ता भएको छ ।
सोमबार बिहान प्रधानमन्त्रीको सरकारी निवास बालुवाटारमा प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड, एमाले अध्यक्ष केपी शर्मा ओली र प्रमुख प्रतिपक्ष दल नेपाली कांग्रेसका सभापति शेरबहादुर देउवाबीच बालुवाटारमा भेटवार्ता भएको हो ।
सरकारले ल्याएको बजेटसहित समसामयिक राजनीतिक विषयमा छलफल भइरहेको बुझिएको छ ।
सरकारले ल्याएको बजेटप्रति सत्ता साझेदार एमालेले नै असन्तुष्टि जाहेर गरेको छ । अर्कोतर्फ, सहकारी प्रकरणमा छानबिन गर्न संसदीय छानबिन समिति बनेको सन्दर्भमा पनि शीर्ष नेताहरुबीच छलफल भएको हुनसक्ने बुझिएको छ ।
प्रतिक्रिया दिनुहोस्
