काठमाडौं । स्ट्यान्डअप कमेडी शो ‘कमेडी च्याम्पियन सिजन-३’को ग्रान्ड फिनाले असार १४ गते हुने भएको छ । निर्देशक विशाल भण्डारीका अनुसार असार १४ गते ग्रान्ड फिनाले हुने भएको हो ।
हालसम्म कमेडी च्यापियनको यो सिजनको २८ वटा श्रृंखला प्रशारण भइसकेका छन् । २८ वटा श्रृंखला प्रशारण हुँदा टप ६ छनोट भएका छन् ।
‘कमेडी च्याम्पियन सिजन–३’को टप ६ मा सुयशा खनाल, अमरेन्द्र यादव, ऋषभ काफ्ले, वीरेन प्रधान, सन्देश सुवेदी र सुनील खड्का पुगेका छन् ।
टप ५ को श्रृंखला क्वार्टर फाइनलको हुनेछ । जुन यो हप्ता प्रशारण हुने थ्रि–प्रोडक्सनले जनाएको छ ।
दर्शकले गर्ने भोट र निर्णायकले दिने खल्ती गोल्डेन भोटका आधारमा को बाहिरिने र अगाडि बढ्ने निर्धारण हुँदै आएको छ । बाँकी भागमा पनि यही पद्धतिअनुसार अगाडि बढ्नेछ ।
विशाल भण्डारीले निर्देशन गरेको शोमा सन्तोष पन्त, मनोज गजुरेल, प्रदीप भट्टराई र ऋचा शर्मा निर्णायक छन् ।
