काठमाडौं। बालेन शाह नेतृत्वको काठमाडौँ महानगरपालिकाले महानगरका तीन स्थानमा ‘टि ट्वान्टी विश्वकप’ को निशुल्क प्रदर्शन गर्ने भएको छ । महानगरले टुँडिखेल, तीनकुने र हाँडीगाउँमा ठूला एलइडी स्क्रिन राखी निःशुृल्क प्रत्यक्ष प्रदर्शन गर्ने तयारी गरेको हो ।
नेपाली समयअनुसार मंगलवार राति नौ बजेदेखि नेपाल ‘टि ट्वान्टी विश्वकप’ को मैदानमा उत्रदैछ । महानगरपालिकाले ओपन डोर्स इन्टरटेनमेन्टको सह आयोजना र खेलकुद मन्त्रालयको सहकार्यमा प्रत्यक्ष प्रसारण गर्ने भएको महानगर प्रमुखको सचिवालयले जनाएको छ । टुँडिखेलमा खेल प्रदर्शन सुरु हुनुअगाडि इन्दिरा जोशी, महेश काफ्ले, रचना रिमाल लगायतका कलाकारले प्रस्तुति दिँदैछन ।
प्रतिक्रिया दिनुहोस्
