काठमाडौं । दाङमा श्रीमतीको हत्या गरेको आरोपमा नेपाली सेनाका एक जवान पक्राउ परेका छन् । शुक्रबार बिहान दाङ जिल्लाको तुलसीपुर उपमहानगर ६ डुम्रीगाउँस्थित घरमा श्रीमतीको हत्या आरोपमा ३६ वर्षीय सेनाका जवान सालिकराम बुढाथोकी पक्राउ परेका हुन् ।
श्रीमतीको हत्या गरी फरार रहेका बुढाथोकीलाई तुलसीपुर बाहिनी चोकबाटै पक्राउ गरिएको जिल्ला प्रहरी कार्यालय दाङले जनाएको छ ।
प्रहरीका अनुसार सल्यान जिल्लाको कपुर कोट ६ घर भई नेपाली सेनाको ज्वालदल गण बारामा कार्यरत अमलदार बुढाथोकीले श्रीमती टीका बुढाथोकीको हत्या गरेका हुन् ।
शान्ति सेनाबाट फर्किएर घर बिदामा आएका बुढाथोकीले श्रीमतीलाई बिहान परपुरुषसँग आपत्तिजनक अवस्थामा भेट्टाएपछि हत्या गरेका हुन् । खुकुरी प्रहारबाट घाइते भएकी टिकाको राप्ती प्रादेशिक अस्पतालमा उपचारका क्रममा मृत्यु भएको हो ।
प्रतिक्रिया दिनुहोस्
