काठमाडौं । क्यानडाले जारी आईसीसी टी २० विश्वकपमा पहिलो जित हासिल गरेको छ । पहिलो पटक विश्वकप खेलिरहेको क्यानडाले गएराति सम्पन्न खेलमा टेस्ट खेल्ने देश आयरल्याण्डलाई १२ रनले पराजित गरेको हो ।
क्यानडाले दिएको १३८ रनको लक्ष्य पछ्याएको आयरल्याण्डले २० ओभरमा ७ विकेट गुमाएर १२५ रन मात्र बनाएपछि खेल क्यानडाले जितेको हो ।
यसअघि क्यानडाले पहिला ब्याटिंङ गर्दै ७ विकेट गुमाएर १३७ रन बनाएको थियो । समूह ए मा यो जितपछि क्यानडाले २ अंक हासिल गरेको छ । पहिलो खेलमा अमेरिकासँग हार बेहोरेको क्यानडाले दोस्रो खेलमा जित हासिल गरेको हो ।
त्यस्तै आयरल्याण्डले लगातार दोस्रो हार बेहोरेको छ । आयरल्याण्डले पहिलो खेल भारतसँग हारेको थियो ।
अब क्यानडाले अर्को खेल जुन ११ मा पाकिस्तानविरुद्ध खेल्ने तालिका रहेको छ । आयरल्याण्डले जुन १४ मा अमेरिकासँग खेल्ने तालिका रहेको छ ।
प्रतिक्रिया दिनुहोस्
