काठमाडौं । मलेसिया सडक दुर्घटनामा परी एक नेपालीको निधन भएको छ । दुर्घटनामा रौतहट कटहरिया नगरपालिका ३ का २६ वर्षीय राकेश कुमार सोनारको निधन भएको हो ।
आफूले काम गर्ने कम्पनीबाट काम सकेर कोठामा फर्किने क्रममा गत जेठ १६ गते ट्रकले ठक्कर दिएको थियो । यस क्रममा उनको घटना स्थलमै मृत्यु भएको पीडित परिवारले जनाएको छ ।
घटना भएको १० दिनपछि मृतकको शव शनिबार साँझ नेपाल ल्याएर अन्त्येष्टि गरिएको छ ।
मलेसियास्थित नेपाली राजदूतावासले उनी काम गर्ने कम्पनीबाट क्षतिपूर्तिका लागि पहल गरिदिन मृतक राकेशको परिवारले आग्रह गरेको छ । पछिल्लो एक वर्षदेखि उनी मलेसियामा कार्यरत थिए ।
प्रतिक्रिया दिनुहोस्
