काठमाडौं । फिल्म ‘अस्ट्रेलियन दुल्हा’ को शुभ-मुहूर्त गरिएको छ । आइतबार पूर्वी चितवनको रत्ननगरमा रहेको हरिहर मन्दिरमा पूजा गर्दै फिल्मको शुभ मुहूर्तसँगै छायांकन सुरु गरिएको हो ।
रेहान मियाको लेखन, निर्माण एवम् निर्देशन रहने यो फिल्मले अस्ट्रेलिया गएर उतै बस्ने नेपालीहरुको मोहको कथा बोल्नेछ । फिल्मको छायांकन सेड्युल करिब २५ दिन रहेको यसको निर्माण पक्षले बताएको छ ।
फिल्मको चितवनका विभिन्न रमणिय स्थानहरूमा छायांकन गरिन लागेको फिल्ममा किशोर खतिवडा, प्रविन आचार्य, अंकिता भुर्तेल, जीसु कोइराला, रेश्मा सुवेदी, लक्ष्मण नेपाल, विमल पौडेल, अन्जन शर्मा, केदार दवाडी स्वेता श्रेष्ठ र बाल कलाकार अक्सा कोइरालाको अभिनय रहनेछ ।
करुणा फिल्मस् तथा म्याङ्गो प्लेजर प्रालीको ब्यानरमा निर्माण हुन लागेको फिल्ममा किशोर चौधरी र केदार बरुवाल क्षेत्रीको संगीत, रवी कोइरालाको छायांकन छ । कृष्णराज अर्याल प्रस्तुतकर्ता रहेको फिल्ममा उमेश अधिकारी (आर्य) सह-निर्माता छन् ।
फिल्ममा करण साउदको मुख्य सहायक निर्देशन, राजन मोक्तानको सहायक निर्देशन, देव महर्जनको द्वन्द्व र किशोर चौधरीको नृत्य रहनेछ । मुहुर्तमा राम रिमाल, मिलन लामाले फिल्मको सफलताको कामना व्यक्त गरेका थिए । फिल्म आगामी तिहारमा रिलिज हुने निर्माण पक्षले जनाएको छ ।
