काठमाडौं । कन्नड अभिनेता दर्शन थुगुदीप पक्राउ परेका छन् । अभिनेतामाथि हत्या प्रकरणमा संलग्न रहेको आरोप लागेको छ ।
समाचार एजेन्सी एएनआईका अनुसार पश्चिम बेंगलुरुका डीसीपी गिरीशले अभिनेता थुगुदीपलाई कामाक्षीपल्या पुलिस स्टेशनमा दर्ता भएको हत्याको मुद्दामा सोधपुछका लागि हिरासतमा राखिएको बताएका छन्। हत्या मुद्दाका एक अभियुक्तले अभिनेता थुगुदीपको नाम लिएपछि प्रहरीले सोही अनुसार हिरासतमा लिएको उललेख गरिएको छ ।
प्रहरीले यस विषयमा अभिनेतासँग सोधपुछ गरिरहेको छ । दर्शन आरोपीसँग लगातार सम्पर्कमा रहेको आरोप छ ।
बेंगलुरुका पुलिस आयुक्त बी. दयानन्दले भनेका छन्, ‘कन्नड फिल्मका एक अभिनेतालाई ९ जुनमा कामाक्षीपल्या पुलिस स्टेशनमा दर्ता गरिएको हत्याको मुद्दामा हिरासतमा राखिएको छ र सोधपुछ भइरहेको छ। विस्तृत विवरण आउन नसकेको र यस विषयमा अनुसन्धान भइरहेको छ ।
यस्तै उनले भनेका छन्, ‘चित्रदुर्गका ३३ वर्षीय रेणुकास्वामी घटनाका बारेमा हो । यस घटनामा करिब १० जनालाई हिरासतमा लिएर सोधपुछ भइरहेको छ । विस्तृत जानकारी आउन बाँकी छ ।
Karnataka: Actor Darshan Thoogudeepa has been taken into custody for questioning in connection with a murder case registered at Kamakshipalya police station: Girish, DCP West Bengaluru
— ANI (@ANI) June 11, 2024
