काठमाडौं । खराब मौसमका कारण आईसीसी टी २० विश्वकपको बाँकी खेल खेल्न वेष्ट इण्डिज उड्न लागेका नेपाली खेलाडी अमेरिकामै रोकिएका छन् ।
निरन्तर वर्षा भएपछि अन्तर्राष्ट्रिय उडान रद्द भएपछि नेपाली टोलीको यात्रा प्रभावित भएको हो । नेपालले आईसीसी टी २० विश्वकपअन्तर्गत समूह चरणका दुई खेल खेल्न बाँकी रहेको छ ।
वेष्ट इण्डिजमा नेपालले दक्षिण अफ्रिका र बंगलादेशसँग खेल्ने तालिका छ । नेपालले पहिलो खेल नेदरल्याण्डससँग पराजित भएको थियो । दोस्रो खेल भारी वर्षाका कारण मंगलबार श्रीलंकासँग अंक बाँड्नु परेको थियो ।
अमेरिकाको दक्षिणी क्षेत्र फ्लोरिडामा भारी वर्षा भइरहेकाले सचेत रहन अमेरिकी सरकारले सूचना जारी गरेको छ । योसँगै नेपाली खेलाडीको यात्रा रोकिएको हो ।
प्रतिक्रिया दिनुहोस्
