कतिपयले रमाइलो गर्न रक्सी सेवन गर्छन् भने कोही आफ्नो दुःख बिर्सन रक्सी सेवन गर्छन् । तर, यो रक्सीले हाम्रो शरीरको लागि विषको रूपमा काम गर्छ, जसले हामीलाई धेरै रोगहरूकाे शिकार बनाउन सक्छ ।
यसको अत्यधिक सेवनले कलेजो र मुटुलाई सबैभन्दा बढी असर गर्छ।
यस्तो अवस्थामा आज हामी तपाईलाई रक्सी पिउनाले कुन-कुन रोगको जोखिम बढाउन सक्छ र यसबाट किन टाढा रहनुपर्छ भनी बताउनेछाैं ।
रक्सी पिउनाले यी रोगहरूको जोखिम बढाउन सक्छ
कलेजो क्षति
रक्सीले हाम्रो कलेजोलाई सीधै हानि गर्छ, यदि कुनै व्यक्तिले दिनहुँ धेरै रक्सी पिउने गर्छ भने त्यसले कलेजोमा नराम्रो असर गर्छ र शरीरले रक्सीलाई विषको रूपमा लिन्छ।
यसले कलेजोका कोशिकाहरूलाई नष्ट गर्छ र सिरोसिस जस्ता गम्भीर रोगहरू पनि निम्त्याउन सक्छ, जसले क्यान्सरको रूप लिन सक्छ।
यति मात्र होइन, अत्याधिक मात्रामा रक्सी सेवनले फ्याटी लिभरको समस्या पनि निम्त्याउन सक्छ ।
मुटुको स्वास्थ्यलाई असर गर्छ
अत्याधिक रक्सी सेवनले शरीरमा रगत जम्न सक्छ र यसले सीधै तपाईको मुटुको स्वास्थ्यलाई असर गर्छ। रक्सी सेवन गर्ने व्यक्तिलाई मुटुमा रगत पम्प गर्न समस्या हुने र यसले हृदयाघातको जोखिम बढाउँछ र धेरै अवस्थामा हृदयाघात भइ मृत्युसमेत हुने गरेको विज्ञहरू बताउँछन् ।
स्नायु प्रणालीलाई असर
अत्याधिक रक्सी सेवनले हाम्रो स्नायु प्रणालीलाई पनि असर गर्छ । यसले मस्तिष्कसँग सम्बन्धित रोगहरू निम्त्याउन सक्छ र बोल्ने, सोच्ने र सम्झने क्षमतामा ह्रास आउँछ।
शरीरमा कम्पन आउन सक्छ, सन्तुलन बिग्रन सक्छ । साथै, मस्तिष्क क्षति जस्ता गम्भीर रोगहरूको जोखिम पनि हुन्छ।
रक्तअल्पता
धेरै रक्सी पिउने मानिसको शरीरमा पोषक तत्वको कमी हुन्छ । आइरनको कमीका कारण तपाई एनिमियाको सिकार हुन सक्नुहुन्छ । शरीरमा रगतको मात्रा निकै कम हुँदा कमजोरी, चक्कर लाग्ने, बेहोस हुने जस्ता समस्या आउन सक्ने विज्ञहरू बताउँछन् ।
क्यान्सरकाे जाेखिम
रक्सीको पनि प्रत्यक्ष सम्बन्ध क्यान्सरसँग हुन्छ । हो, अत्याधिक रक्सी सेवन गर्ने व्यक्तिलाई मुख, घाँटी र खानाको नलीमा क्यान्सर हुन सक्छ। यसबाहेक कलेजो, स्तन क्यान्सर र आन्द्राको क्यान्सरको जोखिम पनि बढी हुन्छ । एजेन्सीकाे सहयाेगमा
