काठमाडौं । सिमोस सुनुवारले निर्देशन गर्ने फिल्म ‘जन्ते बाख्रो’को फस्टलुक पोस्टर सार्वजनिक गरिएको छ ।
निर्माणपक्षले फिल्मको छायाकंन अगावै सार्वजनिक गरेको पोस्टरमा एउटा बाख्रोलाई चस्मा लगाइदिएर छाता ओडाइएको छ। पोस्टरको अवधारणा हेर्दा यो फिल्म हास्य व्यङ्ग्यात्मक रहेको अनुमान गर्न सकिन्छ। पोस्टरको डिजाइन ट्राइडेन्ट कन्सेप्ट टिमले गरेको हो।
बिहेपछि दिइने भोजलाई जन्ते बाख्रो खुवाउने कथावस्तुमा निर्माण हुन लागेको फिल्मको मुख्य भूमिकामा नायक सौगात मल्ल अनुबन्धित भइसकेका छन् ।
मुइन इन्टरटेन्मेन्टको ब्यानरमा निर्माण हुन लागेको यो फिल्मको कथा, पटकथा र संवाद प्रदीप भारद्वाजको हो । यो फिल्मलाई सन्तोष गौतमले निर्माण गर्दैछन् ।
भदौबाट छायांकन सुरु गरिने फिल्मको सार्वजनिक फस्टलुकले दर्शकमा उत्साह बढाएको छ ।
प्रतिक्रिया दिनुहोस्
