काठमाडौं । संगीतकार शम्भुजीत बास्कोटाले निर्माण गर्न लागेको फिल्म ‘टाश्यीदेलेग् : द वे टु हेभन’को टिजरको छायांकन खिच्न सुरु गरिएको छ ।
यो फिल्म सगरमाथा आरोहीबारेको कथामा बन्न लागेको हो । फिल्म ‘राधा’का निर्देशक सुवर्ण थापाको निर्देशनमा तयार हुन लागेको फिल्मको टिजरको छायांकन यतीबेला काठमाडौंमा भइरहेको छ । जसमा सगरमाथा आरोहण गर्दै गरेको दृष्य खिचिँदै छ ।
फिल्मको छायांकन भने भदौ महिनाबाट सुरु गर्ने तयारी निर्माण पक्षले गरिरहेको छ । फिल्ममा आशीर्वाद क्षेत्री, छिरिङ शेर्पा र लाक्पा देन्डी शेर्पाको मुख्य भूमिका अभिनय रहने छ ।
छिरिङले हालै सर्वोच्च शिखर सगरमाथाको सफल आरोहण समेत गरेकी छन् । यता ‘नाई नभन्नु ल ६’मा डेब्यु नायकका रुपमा काम गरेपछि डेढ बर्ष मौन बसेका उनी फिल्ममा फर्काएका छन् ।
फिल्म ‘नाई नभन्नु ल ६’मा काम गरेपछि डेढ बर्ष मौन बसेका आर्शिवादले अब भने आफूलाई फिल्ममा फर्काएका छन् । उनका लागि यो फिल्म विशेष हुने अड्कल गर्न सकिन्छ ।
अन्तर्राष्ट्रिय बजारलाई लक्षित गर्दै निर्माण सुरु गरिएको फिल्मको ट्रेलरको छायांकनपछि निर्माण पक्षले फस्टलुक सार्वजनिक गर्ने तयारी गरेको छ । संजय लामाले छायांकन गर्ने फिल्ममा शम्भुजितकै कथा छ ।
फिल्ममा बास्कोटा र सुजन खनालको संगीत, पत्रकार समेत रहेका चर्चित ढुंगेलको पटकथा लेखन हुनेछ ।
