काठमाडौं । इङल्याण्डले जारी टी २० विश्वकपको सुपर आठमा वेष्ट इण्डिजलाई पराजित गरेको छ । बिहीबार बिहान सम्पन्न खेलमा इङल्याण्डले वेष्ट इण्डिजलाई ८ विकेटले पराजित गरेको हो ।
वेष्ट इण्डिजले दिएको १८१ रनको लक्ष्य पछ्याएको इङल्याण्डले १७.३ ओभरमा २ विकेट गुमाउँदै लक्ष्य पूरा गरेको थियो । इङल्याण्डका लागि फिल साल्टले सर्वाधिक ८७ रन बनाए । जोनी बैरस्ट्रोवले अविजित ४८ रन बनाए । त्यस्तै कप्तान जोस बटलरले २५ र मोइन अलीले १३ रन बनाएका थिए ।
यसअघि टस हारेर पहिला ब्याटिङ गरेको वेष्ट इण्डिजले २० ओभरमा चार विकेट गुमाउँदै १८० रन बनाएको थियो । वेष्ट इण्डिजका जोन्सन चार्लेजले सर्वाधिक ३८ रन बनाएका थिए । निकोलस पुरन र कप्तान रोभमन पावेलले ३६-३६ रन बनाएका थिए । त्यस्तै शेरफान रुदरफोर्डले २८ र ब्रान्डन किंगले २३ रन बनाएका थिए ।
यो जितपछि इङल्याण्डले सुपर आठको समूह एकमा महत्वपूर्ण २ अंक हासिल गर्दै शीर्ष स्थानमा रहेको छ । अब इङल्याण्डले अर्को खेल शुक्रबार राति दक्षिण अफ्रिकासँग खेल्ने तालिका रहेको छ । वेष्ट इण्डिजले शनिबार बिहान अमेरिकासँग खेल्दै छ ।
