काठमाडौं । वेष्ट इण्डिज र अमेरिका जारी आईसीसी टी २० विश्वकपमा सहभागी भएर नेपाली राष्ट्रिय क्रिकेट टोली स्वदेश फर्किएको छ ।
समूह चरणबाट बाहिरिएको नेपाली टोली हिजो राति र आज बिहान गरी दुई वटा टोलीका रुपमा स्वदेश फर्किएका हुन् । कुशल भुर्तेल, सोमपाल कामी, आसिफ शेख, करण केसी र अविनाश बोहराको समूह हिजो राति १० बजे आइपुगेका थिए ।
कप्तान रोहित कुमार पौडेलसहितको बाँकी खेलाडी तथा अफिसियल आज बिहान आइपुगेका हुन् । स्पीनर सन्दीप लामिछाने आउन बाँकी रहेको छ । अन्य सदस्य अमेरिका भएर नेपाल आए पनि उनी फरक बाटो भएर आउनु पर्ने भएकाले ढिला हुने भएको हो ।
सन्दीपसँग अमेरिकाको भिसा नभएकाले उनी क्यानडा वा अर्को रुटबाट आउनु पर्ने भएको छ । दुई दिनपछि उनी आइपुग्ने बताइएको छ । उनीसँगै प्रशिक्षक मोन्टी देशाई पनि आइपुगेका छैनन् ।
प्रतिक्रिया दिनुहोस्
