काठमाडौं । फिल्म ‘खुस्मा’ का दुईवटा पोस्टर सार्वजनिक गरिएको छ। असोज ३ गतेबाट प्रदर्शनमा आउन लागेको फिल्मको आइतबार नायक धिरज मगर र नायिका उपासना सिंह ठकुरी समावेश दुई मध्ये एक पोस्टर सार्वजनिक गरिएको हो ।
मगर समुदायको प्रेमकथा बनाएर निर्माण भएको अशोक थापा मगरले लेखन तथा निर्देशन गरेको फिल्मको दुई मध्ये एक पोस्टरमा धिरज र उपसनालाई रोमान्टिक भावमा देखाइएको छ। जसमा धिरजले उपसनालाई अगाँलोमा बाँधेको देख्न सकिन्छ।
यस्तै फिल्मको अर्को पोस्टरमा उपसनालाई मात्र देख्न सकिन्छ। सो पोस्टरमा उनलाई खस्टो ओडेर चिन्तित मुद्रामा रहेको देख्न सकिन्छ।
निर्देशक थापामगरको यो पहिलो निर्देशकिय फिल्म हो । यसअघि उनले केही डकुमेन्ट्री सिनेमा लेखन तथा निर्देशन गरेका थिए ।
निर्देशक थापाले नौ वटा बिभिन्न अर्न्तराष्ट्रिय फिल्म महोत्सवबाट आवार्ड प्राप्त गरिसकेका छन् ।
एम मिडिया प्रालिको ब्यानरमा निर्माण भएको फिल्ममा धिरज र उपासनाका अलवा माओत्से गुरुङ, खड्क बहादुर पुन (खबपु), सुजाता राई, विजय संयोक सुब्बा, राजु रेग्मी मगर,राज थापा काउचा, अस्तित्व भट्टचन, संगीता थापा मगर, अरुण पुन मगर, सारा राई, श्वेता मिश्र, विवेश मगर, दुईसाङ थिङ लगायतका कलाकारको अभिनय रहेको छ ।
फिल्मका निर्मातामा विर बहादुर लामा, चन्द्र बहादुर भट्टचन, बेतान मगर तथा मान बहादुर धनाह मगर र सुस्मिता बुढाथोकी रहेका छन्। फिल्ममा दिपक बज्राचार्यको छायांकन रहेको छ ।
फिल्ममा एसडी योगी र छान्जु पार्क (कोरियन) को संगीत सुरेन्द्र राना, राम अविरल बिष्ट र निर्देशक थापा मगरको गीत रचना रहेको छ ।
यस फिल्मलाई गोविन्द शाहीको काफिया फिल्मस्ले वितरण गर्ने जिम्मा लिएको छ।
