लमजुङ । जिल्लामा पहिरोले घर बगाउँदा एकै परिवारका चार जना बेपत्ता भएका छन् । क्व्होलासोथार गाउँपालिका ३ को पोगुममा मंगलबार राति गएको पहिरोले तीन वटा घर बगाएको हो ।
घर बगाउँदा एकै परिवारका चार जना बेपत्ता भएको प्रहरीले जनाएको छ । बेपत्ता हुनेमा ६९ वर्षीय मित्रमान गुरुङ, उनकी बुहारी ३६ वर्षीया पञ्चकुमारी गुरुङ, ७ वर्षीया नातिनी इच्छा गुरुङ र ५ वर्षीया नातिनी नम्रता गुरुङ रहेका छन् ।
बेपत्ताको शव स्थानीयबाट खोजी भइरहेको र घटना स्थलमा सुरक्षाकर्मी जाँदै गरेको प्रहरीले जनाएको छ । करिब तीन सय मिटर लामो पहिरोमा परी तीन घर बगेको हो ।
स्थानीय मित्र घले, मित्रमान गुरुङ र होमबहादुर गुरुङको घर बगेको हो । पहिरोमा परी लाखौँको क्षति पुगेको छ ।
प्रतिक्रिया दिनुहोस्
