काठमाडौं । फिल्म ‘माइली’ निर्माण हुने भएको छ। फिल्मको मुख्य भूमिकामा अभिनेत्री प्रियंका कार्की अनुबन्धित भएकी छन् ।
रुना इन्टरटेन्ट्मेन्टको ब्यानरमा बन्ने फिल्मको निर्माण पक्षले प्रियंकालाई हालै अनुबन्धित गरेको हो ।
बाबू साहेब बलामीको कन्सेप्ट र निर्देशन रहने यो फिल्म सत्य घटनामा आधारित रहेर निर्माण हुने बताइएको छ। फिल्ममा प्रियंका ग्रामिण महिलाको चरित्रमा रहने निर्देशक बलामीको भनाइ छ ।
असारको अन्तिमबाट छायांकन गरिने फिल्मलाई मकवानपुरको वीरखर्ग, कुलेखानी, काठमाडौं र दुबईमा खिचिने जनाइएको छ।
फिल्म शंकर अधिकारी ‘घायल’को गीत र पटकथा, सम्बाद तथा राजेन्द्र बजगाइको संगीत रहनेछ ।
प्रतिक्रिया दिनुहोस्
