काठमाडौं । नेपाली बजारमा सुनको मूल्य लगातार उकालोमा छ । शुक्रबारदेखि बढ्न थालेको सुनको मूल्य सोमबार पनि बढेको छ ।
नेपाल सुनचाँदी व्यवसायी महासंघका अनुसार आइतबारको तुलनामा आज प्रतितोला दुई सय रुपैयाँको दरले मूल्य बढेको छ ।
मूल्य बढेसँगै सोमबार स्थानीय बजारमा छापावाल सुनको मूल्य प्रतितोला एक लाख ४२ हजार दुई सय रुपैयाँ र तेजाबी सुनको मूल्य प्रतितोला एक लाख ४१ हजार पाँच सय रुपैयाँ पुगेको महासंघले जनाएकाे छ ।
यसअघि आइतबार छापावाल सुन प्रतितोला एक लाख ४२ हजार रूपैयाँ र तेजाबी सुन प्रतितोला एक लाख ४१ हजार तीन सय रूपैयाँमा कारोबार भएको थियो।
सुनको मूल्यमा निरन्तर बृद्धि भइरहँदा चाँदीको मूल्य भने सोमबार स्थिर छ । महासंघका अनुसार शुक्रबार बढेको चाँदीको मूल्य त्यसयता स्थिर छ ।
सोमबार चाँदी प्रतितोला एक हजार सात सय ९० रुपैयाँमा कारोबार भइरहेको महासंघले जनाएको छ ।
