काठमाडौं । नेकपा एकीकृत समाजवादीका सचिव राजेन्द्र राईले १० औँ राष्ट्रिय महाधिवेशनमा फरक मतसहित पूरक प्रस्ताव पेश गरेका छन् ।
नेता राईले एकीकृत समाजवादीको जारी बन्द सत्रमा राईले आफ्नो फरक मतसहितको राजनीतिक प्रतिवेदन सार्वजनिक गरेका हुन् ।
नेतृत्वमा माधव नेपाल निविर्कल्प रहेको बताउँदै राईले तत्कालीन नेकपा एमालेका महासचिव मदन भण्डारीले प्रतिपादन गरेको जनताको बहुदलीय जनबाद (जबज)लाई आत्मसाथ गर्दै आफ्नो मत सार्वजनिक गरेका हुन् ।
सो पार्टीको महाधिवेशनमा पेस गर्ने एकीकृत दस्ताबेजमा जबजको औचित्य समाप्त भइनसकेको दाबी गरेका छन् । राईले आफूलाई पहिचानको पक्षमा पनि उभ्याएका छन् । आफ्नो दस्ताबेजमा उनले पहिचानको उपदेयता नसकिएको उल्लेख गरेका छन् ।
उनले पार्टी पदाधिकारीविहीन हुनु पर्ने बताएका छन् भने एकीकृत समाजवादी पहिचानको पक्षमा उभिनु पर्ने धारणा राखेका छन् ।
उनले एमाले हुँदा भएका राजनीतिक–सैद्धान्तिक निर्णयहरुलाई निरन्तरता दिइनुको अर्थ एकीकृत समाजवादी प्रष्ट पहिचानको पक्षमा रहेको दाबी गरेका छन् ।
